香港政府每架飛機資助最高 100萬，咁國泰又有幾多架飛機呢？　

香港政府的抗疫基金中，有表明會向香港註冊飛機提供補助，大型飛機 100萬、小型飛機 20萬。大家一聽都知道國泰航空 Cathay Pacific 會係最受惠的航空公司，但到底國泰又會有多少架飛機呢？

以我地一般嘅理解及根據 planespotters 的資料，國泰及旗下子公司的航機數目如下，但呢個數字只係一個表面嘅數字，唔代表香港政府真真正正會俾出去嘅錢。因為係會計上，好多航空公司係採用租賃的方式來擁有飛機來降低資產金額，即所謂做靚盤數。所以光係下圖國泰擁有的 282 架飛機，從數量上已經超越政府估計涉及 270架飛機呢個數目。

最終到底有幾多間航空公司、幾多架飛機獲得補助，似乎仲需要更多的資料去核實，特別係香港都有唔少飛機租賃公司，咁呢啲公司擁有嘅飛機，如果註冊係香港，但實際營運地係外地，又會唔會得到資助呢？暫時睇來都係一個謎。