信用卡有好多種，有 VISA, MASTER, AE, JCB, 銀聯，無論那種信用卡，功能都係一樣，俾錢，儲分/里數，拿回贈，即使係近年流行的鋼卡或傳說中的黑卡也離不開這幾種功能。
傳說中的黑卡可以叫直升機去災區救朋友、可以請僱傭兵救家人，這些傳說中嘅「神」 功能與我們太遙遠，還是心中有「神」更能讓人安心，所以台灣有銀行推出了真正「神」級信用卡 – 媽祖卡，唔駛等媽祖報夢叫你選總統，唔駛去英國做特務 007 才能以女皇之名殺人，每日駛錢 shopping 就已經係以「神」之名，邊個敢阻你？
這張由臺灣土地銀行推出的媽祖卡與 JCB 及苗栗縣的白沙屯拱天宮合作，全名叫「白沙屯拱天宮媽祖認同卡」買野都得到媽祖認同，痴線～
除了我們常見的加密晶片、輕觸式付款外，也有機場接送、JCB 機場貴賓室（媽祖唔係出海嫁咩？媽祖都搭飛機？）、購物優惠、搭台灣公交等等嘅功能，但最神應該係卡片直接印左大大個媽祖象係正面，俾錢都俾得霸氣過人。
你咪以為臺灣土地銀行就咁印左媽祖上去就算，佢地認真到會將啲印好嘅卡拿去白沙屯拱天宮搞過火儀式，等媽祖幫卡庇知持卡人，保知持卡人平安順心發財。（間廟就唔慌唔發財啦）
作為香港人當然好難申請到台灣嘅媽祖卡，就如果香港有銀行係出張天后卡（媽祖與天后乃同一人），你覺得會否有人申請呢？嫌天后太 old school，覺得自己搭飛機多過搭船，咁如果係「黃大仙卡」「佛祖卡」「耶穌卡」，你又覺得點呢？或者都好受歡迎。
- Advertisement -
