其實而家咁嘅情況，MPF投資在任何一個類別、無論你如何調配，呢排都好難賺錢，咁究竟我係咪等佢一直跌落去呢？筆者有好多客戶，過去MPF組合調配至北美方面的基金，均有錄得唔少升幅，但客戶在「賺大錢」的時候，唔捨得調配至穩定的基金組合，結果俄羅斯打仗，原本「獲利豐厚」的北美基金就回落了，現在大跌後再調配資產已無補於事。
另外，早年港股大升，MPF投資於香港股票基金一定賺了唔少錢，筆者又有好多客戶當時又係唔捨得將基金調配至穩定的類別，結果現在又無咗一大忽。不過，畢竟MPF是長遠的投資，呢次大跌，假以時日，又會大升返，到瘋狂「賺大錢」的時候，記住記住將資金調配至穩定的類別，要記住「見好就收」。
我想整合MPF喎，係咪愈出名的公司，投資基金方面就做得愈好呢？
所謂事實勝於雄辯，大家不妨到積金局網頁睇睇所有公司的投資表現，就可以一清二楚，唔係睇廣告睇得多，嗰間公司就係好，就以MPF投資在環球股票基金方面，筆者揀選了多間強積金公司對比，投資表現的名次由高至低排列，你會見到有出乎意料的結果。
如果大家想了解多隻基金邊間公司做得最好？咁就去積金局網頁自己研究吓啦mpf.mpfa.org.hk。如果大家想整合強積金，歡迎隨時聯絡我。
