勞工及福利局局長羅致光提到，政府正在研究取消強積金對沖後如何配合公共年金，討論到如何將強積金自動、甚至強制轉為年金。羅致光認為隨著退休人數增加，若果退休人士不將財產變成穩定收入，會降低消費意願，導致經濟收縮。
社會老年化是一個老生常談的問題，但係講了咁多年，都未解決到個問題。根據政府統計處顯示，預期人口將持續老化，其速度會在未來20年顯著加快，尤其以未來10年最為急劇。撇除外籍家庭傭工，65歲及以上長者的比例，推算將由2016年的17%，增加至2036年的31%，再進一步上升至2066年的37%。
老年人退休後，沒有生產力，那錢從何來呢？在官方引用的例子中，假若一名65歲的香港男士以100萬作為年金，香港男性平均壽命大約有85歲，即是這位參與年金計劃的男士退休後還有大約20年壽命，按照1%的既定利率，直至他離世前，每月可得年金大約$4600元左右，至於夠唔夠退休，真係見仁見智了。
點解會有強積金？有了強積金後，點解政府又想將強積金變做年金呢？
我不知道你們或者你們身邊的家人或者朋友，有無儲錢的習慣，筆者身邊有不少朋友，從少到大都沒有儲錢的習慣，有幾多洗幾多，40多歲人，還要父母為他們擔憂。到了退休年齡，怎麼辦了？無錢問仔女拎？靠政府的生果金，真係夠生活嗎？
有好多人認為強積金只是鎖住他們一筆錢，不能夠靈活運用，但是對於一些「月光族」的朋友來說，退休的時候如果沒有一筆錢比佢地，晚年的生活可能會好麻煩。另外，筆者亦見過，有些長者65歲一筆過提取強積金後，幾年時間就花光整筆強積金了，你可能會話強積金轉做年金，每月得幾千蚊，夠用嗎？
那當然不夠用了，但有總好過無!! 試想像一下，長者花光強積金後，已年近70，如果有85歲命，仲有10幾20年要生活，他們怎樣過日子呢？要知道唔係個個長者都有仔女的，亦唔係個個長者的仔女都願意供養父母的，這些「月光族」的長者們日後的生活可想而知。
強積金唔夠退休喎，點算呀？
正所謂後生唔努力，老年就受苦，而家有工作嘅朋友，筆者再三提醒你哋必須要整合強積金戶口，如果一直唔整合，到你退休的時候，就有機會搵唔返這些強積金戶口出來架啦，你供了多年的強積金就會白供。
除了強積金外，打工仔仲要儲錢呀!!!!!!!!!!!!咪諗住靠股票可以退休呀!!!!!!!!!問心啦，有幾多個買股票最終會賺到大錢？股市大上大落，唔係一般打工仔可以承受的。人一般都不會自律的，例如講好每月儲$5000，但最後$1000都唔知儲唔儲到，所以退休是要有一個計劃，每個月份糧「先儲後洗」，儲的部份要用一把「鎖」，將這筆儲蓄鎖起來，這筆錢就會慢慢滾存，到你退休時就「開鎖」，等你有足夠的錢退休。
